”Ronaldo ai chuan Messi dan beh a harsa zawk” – Thiago Silva

Chelsea centre back Thiago Silva chuan Lionel Messi leh Cristiano Ronaldo te chu player ropui tak, inkhel muala danglamna thlen thei an nih thu a sawi rualin heng player pahnih te atang hian Paris Saint Germain forward Lionel Messi hmachhawn chu harsa a tih zawk thu a sawi tel.

Argentine captain Lionel Messi leh Portuguese captain Cristiano Ronaldo te hi tun hnai kum 15 chhunga player tha ber pahnih anni chiang a, a tu zawk nge tha tiin mi tam tak an inhnial fo reng a ni.

Brazilian centre back tawnhriat ngah Thiago Silva chuan heng forward ropui pahnih te hi a khaikhin. ” A danglamna chhe te a awm a, chu chu Lionel Messi an ball a chang anih chuan mal leh mala hmachhawn emaw, pahnih a hmachhawn pawh in dan beh a harsa thin. Ronaldo erawh hi chu mi pakhat in a chang thei a, centre back dang awl in kan chheh vela thil thleng ah rilru kan pe thei. Chumi ka sawi avang chuan Ronaldo dan beh hi thil awlsam a ni ka tihna a ni hauh lo. Mahse ka ngaihdan chuan Ronaldo ai chuan Messi dan beh hi a harsa zawk” a ti.

Paris Saint Germain defender hlui chuan sawi chhunzawmin,”Messi leh Ronaldo te hi player ropui bik anni a, inkhel mualah danglamna thlen thei anni. Tin, anni ang deuh a theihna sang nei chu Neymar hi a ni bawk” a ti.

Kum 37 a upa Thiago Silva hi la inkhel mek zinga defender tawnhriat nei ngah ber pakhat a ni awm e, amaherawchu vanduaithlak takin footballer ropui pahnih Cristiano Ronaldo leh Lionel Messi te a la khelhpui lo ve ve.

Related Posts

error: Content is protected !!