Roma in Zaniolo manah euro 50 million phut

Italian journalist Nicolo Schira tarlan dan in AS Roma chuan an midfielder lalut duh club chuan euro 50 million Zaniolo manah an thehchhuah a ngai ang.

Kum 22 a upa Italian international hian 2024 thleng Roma ah contract a la nei a, nikum khan a club tan inelna hrang hrang ah goal 8 khungin assist vawi 6 a nei. Europa Conference League final a goal lut awmchhun kha Zanilo khung ani bawk.

2021-22 season pangngai taka a hman hnuin European club lian zawk te’n lakluh an duh a, chung zingah chuan Serie-A a an elpui club Juventus thawm a ring.

Manager Jose Mourinho hnuaia a tlaktlum lutuk loh avangin Italy international hian contract ziahbelh a tum tawh lo niin a lang, Roma lam pawn an midfielder chu a thlawn a chhuahtir ai chuan man neia hralh mai an pawi tilo. A man tur erawh to tak an bituk thung.

Juventus manager Massimiliano Allegri chuan an midfield lai tichak turin Zaniolo lakluh a duh a, Zaniolo manah Old Lady lam chuan euro 40 million + add ons sen an inhuam laiin Roma lam erawh in euro 50-60 million vel an player manah an beisei ve thung.

Club hotute chu player chungchangah inhmuhna an nei thuai dawn a, Juventus lam hian an midfielder kum 25 a upa Brazilian international Arthur chu Zaniolo mana kal tel tir mai pawh an pawi tilo niin media te’n an tarlang bawk.

Related Posts

error: Content is protected !!