Kan hriat angin Robert Lewandowski chuan Lionel Messi lakah 2021 Ballon d’Or a chan leh a, Messi chu lawmpuiin, Social Media-ah lawmthu a sawi.
Bayern Munich leh Poland forward hian Ballon d’Or award hi dawng lo mahse, France-ah Striker of the Year award a dawng tho a ni. Mahse, mitamtakin Ballon d’Or award dawn phu ber niin an sawi.
Lionel Messi chuan 2021 Ballon d’Or award a dawng a, Lewandowski hian a lawmpui thu a sawi. Kum 2020 Ballon d’Or kha sem ta se chuan Robert Lewandowski hian a dawng ngei ang, mahse, Covid 19 hrileng avangin France Football chuan a cancel a nih kha.
Kumin hian Robert Lewandowski hi a che tha ang reng hle a, mi tamtakin Paris-ah Ballon d’Or trophy a dawn ngei an ring, mahse, Borussia Dortmund thiampuipa hlui tan erawh a ni si lo, Social media lamah a ngaihdan te a sawi chhuah mai bakah amah vote tute zawng zawng chungah lawmthu a sawi.
“A hmasa berah chuan Ballon d’Or winner Lionel Messi ka lawmpui.” tiin Lewandowski chuan Instagram lamah a post.
“Min vote tu Journalist zawng zawng te chungah pawh lawmthu ka sawi duh a, kum 2021 a ka thlen chin, a pawimawh zia ringtute anni.”
“Striker of the Year Award ka dawng a, team te puihna leh fans te tello chuan player tumah hian mimal chawimawina hi an dawng theilo, ka tan pawh a danglam chuang lo. Ka club khelhna Bayern Munich chungah ka lawm hle a, ka hlawhtlinna leh ka duhthusamte ti hlawhtlingtu anni.”
“Polish National Team leh Bayern Munich lama ka teammate te hnenah pawh lawmthu ka sawi duh a, nitin mai min tan rengtu fans te chungah pawh lawmthu ka sawi a ni. Ka tan an awmzia an nei tak zet zet.”
“Thil pawimawh tak pakhat chu, ka chhungte hi anni, an hnenah lawmthusawi ka ba nasa hle. Ka nu chungah ka lawm a, ka nupui Anna chungah ka lawm tak zet ka nunna leh ka thiantha ber a ni, ka unaunu Milena leh ka thian, management team te chungah pawh ka lawm tak zet a, hlawhtlinna ka chan theihnaa a bulpui te anni. Ka lawm e.” tiin Robert Lewandowski chuan lawmthu a sawi.
Source Sl