Rob Holding man tura Besiktas offer hmasa ber Arsenal in an hnâwl

Rob Holding lâkluh tumin Besiktas chuan £2 million bid an theh lut a, amaherawhchu heihi Arsenal lam chuan an hnâwl chiang hle.

Arsenal chuan English defender hi hralhchhuah an duh a, season thara Mikel Arteta ruahmanna (plan) ah a tel tawh lo bawk. Amaherawhchu £2 million a chhuahtir chu a ni em em bikin an hre lova, a transfer fee turah sum tam zawk an beisei.

Holding hian Emirates Stadium chhuahsan tumna a nei em tih hriat nilo mahse club hotute chuan kumin nipui bazarah hralhchhuah an duh a, Arsenal in an pre season game hmasa bera 1-1 a Nunberg an inhnehtawkpui tumin Holding hi squad ah a tel lo nghe nghe.

Besiktas lam hi offer thar nen an rawn penchhuak leh ang em tih a la chiang lova, Gunners hian Ajax atangin Jurrien Timber an sign tawh avangin Holding tan tun nipui bazara Arsenal chhuahsan a finthlâk ang.

Season hmasa chawhnu lama William Saliba a inhliam hnuin Rob Holding hi Mikel Arteta chuan a chhawr tan a, amaherawhchu Saliba hmunruak a hnawhkhat zo ngang lova, Gunners in league title an lâk loh phah kan ti thei âwm e.

Rob Holding inlan hnu hian Gunners an chak hleithei lova, a tawp lamah phei chuan Arteta an Holding aiin Jakub Kiwior a dah lut fo anih kha.

Turkish club Besiktas chuan kum 27 a upa defender hi lâkluh an duh ngei a, chutihrualin bid thar £2m aia tam deuh zawk an theh luh a ngaih hmel.

error: Content is protected !!