2020/21 season Premiere League khelh zawh takah khan defender che tha tak tak an awm nuk a, Manchester United defender hlui Rio Ferdinand chuan defender che tha a tih 4 te a sawi.
Kan hriat angin Rio Ferdinand hi Nemanja Vidic nen Sir Alex Ferguson team tan an che tha tak zet a nih kha.
Tunah chuan BT Sports pundit ni tawhin, Premiere League season khelh zawh takah khan uluk takin defenders te chet dan a en a, hemi hnu hian season khelh zawh taka defender tha a tih 4 te a sawi.
“Antonio Rudiger hi a khelh tawh chinah a che tha tak zet, second emaw third best centre half a nih ngei ka ring, Ruben Dias emaw John Stones pawh a ni maithei, Harry Maguire te dawt chiahah a awm” tiin Rio Ferdinand chuan FIVE Youtube channel a hrilh.
Ferdindan chuan Rudiger chungchang sawi belhin, “Chelsea team mawng lamah hian a langsar hle. Manager thar Tuchel rawn luh hnu atang phei chuan, a che tha tak zet.” tiin a sawi.
Season tan tirhah khan Frank Lampard’an Rudiger hi a khelh tam tir vak lova, Rudiger aiah Kurt Zouma leh Thiago Silva chu a chhawr tam zawk a nih kha.
January thla khan Chelsea chuan an manager thar atan Thomas Tuchel la lutin, thil a inthlakdanglam chiang hle. Tunah phei chuan Rudiger hi Chelsea player pawimawh tak pakhat a ni mek.
Tuchel’an Chelsea a enkawl hnuah Chelsea hian goals 14 chiah an chhuah. Goal an chhuah tam chhan ber pakhat chu West Brom laka goals 5 lai mai an chhuah kha a ni.
Rio Ferdinand hian Ruben Dias leh John Stones pawh thlangin, Season khat partner anga an khelhnaah title an la nghal a ni.
Source SL