Nizan Round of 16 England leh Germany khelhah khan, England chuan 2-0 in hnehna an chang a nih kha. England tana goal 2 na khungtu Raheem Sterling chu Euro 2020 ah England Hero a nih thu Rio Ferdinand’an a sawi.
Nizan inkhelhah khan Luke Shaw cross tha zet mai chu Sterling hian goal ah a khung a, kha goal kha a pawimawh hle.
Euro 2020 khelh mekah Raheem Sterling hian match 4 a khelh tawh atangin goal 3 a khung tawh a, Group stage lamah Croatia leh Czech Republic an hmachhawn tum khan goal khat ve ve a khung a ni.
BBC pundit Rio Ferdinand chuan kum 26 a upa Raheem Sterling hi a fak nghal a, tunlai khawvela player che tha ber pakhat a nih thu a sawi.
‘Game khelh hma khan national hero nih theihna huntha a nei thei dawn tih kan sawi. Goal 3 a khung tawh a, player zinga kan en ber a ni.’ tiin Rio Ferdinand chuan huntawp rual khan a sawi.
‘Naupang leh mihring mak tak a ni a, professional thawkrim tak a ni. Amaha ka duh ber chu a pasalthatna/huaisenna hi a ni.”
‘Football khawvela top player chungchang i sawi a nih chuan, he naupang hi kum 2 liamta vel atang khan a lan ka ring’ tiin Ferdinand chuan a sawi.