Reports: Zidane’an PSG a hnawl chhan puan a ni

Paris Saint-Germain hian an hmatlarah Lionel Messi, Kylian Mbappe leh Neymar te nei mahse, manager Zinedine Zidane chuan thla hmasa khan PSG a hnawl niin report in a tarlang. PSG a hnawl chhan pawh an tarlang nghal niin a lang.

French publication Le Parisien leh Foot Mercato te tarlan dan chuan, French club lian hian January thla khan Mauricio Pochettino thlaktu tur atan Manager tha ve deuh hlek an be kual nual niin an tarlang.

Amaherawhchu, Argentine hian tun season chhung ala enkawl rih dawn a, tun season khelh lai a zawh rual hian chhuak tura ngaih a ni bawk.

PSG manager shortlist ah hian Zidane hi an lak luh tum zinga langsar ber a ni a, mahse, chhan pakhat vang chauh ni lovin chhan hrang hrang avangin PSG hi alo hnawl a ni.

French outlet pakhat TF1 tarlan dan chuan, Real Madrid manager hlui Zidane hian Champions League round of 16 ah a club hlui Real Madrid hmachhawn a duh loh vang niin an sawi. Hei mai bakah tuna PSG player te hi a a khelh duh dana khel thei player annih loh thu a sawi niin an tarlang bawk.

Kan hriat angin Zidane hi Footballer ang zawng pawhin a hlawhtling thawkhat viau a, manager ang zawng pawhin a hlawhtling ang reng.

Kum 2016 atang khan Zidane chuan senior first team a enkawl tan a, a vawikhat enkawlnaah Real Madrid chu Trophies 9 lai a chawi pui nghal a, a vawi hnih enkawlnaah pahnih dang a chawi pui leh a ni.

Mi tamtakin Real Madrid lamah a kir leh an ring mek.

Related Posts

error: Content is protected !!