Cristiano Ronaldo’an Manchester United rawlthar te chu hnaih a awlsam loh zia thuin a tihthaih niin report in a tarlang.
Kan hriat angin kum 36 a upa Cristiano Ronaldo chu kum 12 hnu nikum August thla khan Red Devils lamah a kir leh a, mi tamtak a barakhaih hle a nih kha. Kum 2003 leh 2009 inkarah khan kum 6 chhung teh meuh mai England lamah hun alo hmang ve tawh a ni.
Spanish club lian Real Madrid chuan khawvel player manto ber ni turin an la lut a, an la lut sual lo chiang hle. Real Madrid lamah hian kum 9 chhung hun a hmang a, match 438 a inlan atang goal 450 lai a khung a, kum 2018 khan Italian club lian Juventus a zawm leh a ni.
The Athletic in a tarlan dan chuan United rawlthar thenkhat chu Ballon d’Or vawi 5 dawng tu C Ronaldo hian a tihthaih deuh niin an tarlang, Anni chuan englai mahin awlsam takin C Ronaldo an pha thei dawn lo niin an ngai bawk niin a tarlang.
Tun hnai lawkah thlak a nih vangin Ronaldo’an a thinrimna a ti lang, Brentford lakah 3-1 a hnehna an chan tum khan interim boss Ralf Rangnick’an C Ronaldo chu thlakin a lungawilo hle niin hmuh tur a awm.
Tun season tan tirh atang tawh khan C Ronaldo leh Mason Greenwood karah sawi neuh neuh a awm bawk a, English player talent nei tha tak hi engemaw chang chuan a lungawi vak lo niin a lang. Pass aia goal khung ngawt a ngaihtuah vangin.
Report in a tarlan pakhat chu, C Ronaldo leh Jadon Sancho an khelh dun laiin Sancho hian goal 1 chiah ala khung rih a. Hetihlai hian Mason Greenwood, Marcus Rashford, Edinson Cavani leh Bruno Fernandes te pawhin C Ronaldo khelh ve laiin goal 2 chiah an khung ve bawk.
Hetiang dinhmun hi Man Utd player dang ten tawk mahse, UEFA Champions League vawi 5 lai chawi tawhtu C Ronaldo hian tun season khelh mek all competion ah games 22 a inlan tawh atang goal 14 lai a khung mek a ni.
Source SL