Real Madrid boss Zinedine Zidane chuan tunkar tir lam khan Real Madrid a chhuahsan a, hei hi vawi 2 a chhuahsanna a ni a, a chhuahsan chhan an sawi.
Hriat angin Zidane’an Real Madrid a enkawl vawikhatnaah khan a hlawhtling ang reng hle, a zawnin vawi 3 lai mai UEFA Champions League titles leh La Liga title a lak pui a nih kha.
Hlawhtlinna a chan vek hnu, kum 2018 khan Spanish club lian Real Madrid a chhuahsan a, Real Madrid in coach dang pahnih an rawih hnuah an ti fuh hlei theilo, hei vang hian Zidane hi Real-ah a kir leh a ni.
2020/21 season hi team tan chuan a duhawm lo hle, player inhliam an nei nual a, hei mai a ni lo an fixture pawh a tawt tha hle.
Diario AS tarlan dan chuan Zidane hian team in dinthar leh a mamawh tih a hria a, season 5 liamta chhunga hlawhtlinna alo chanpui tawh player te han drop mai chu duh lovin, chhuah a thlang zawk niin an tarlang.”
Real Madrid in manager thar an la lut a nih chuan tuna player thenkhat nen hian inzawmna an neih dawn loh avangin manager thar tan Real Madrid dinthar leh chu a awlsam zawk dawn niin Zidane hian a ngaihtuah niin a lang.
An sawi zel danah December thla khan Zidane hian vauna a tawk niin an sawi a, hei vang hian Zidane hi a chhuak tia sawitu pawh an awm.
Source SL