Reports: C Ronaldo’an Self Quarantine a duh lo

Mizo Football

Italy a reports tarlan danin Juventus staff pahnih te Covid-19 an kai tih finfiah a nih hnuah Real Madrid superstar hlui Cristiano Ronaldo chuan inkhunghran (self quarantine) a duhlo niin an tarlang.

Football Italia tarlan danin Portugal captain C Ronaldo hian inkhunghran a duh lo niin an tarlang. International break an neih hma khan Juventus staff te pahnih chu COVID-19 tests an nih hnuah an positive ngei tih hmuh chhuah a ni.

Cristiano Ronaldo leh Juventus squad zawng zawng te chu training an neihna hmun hnaiah ni 3 chhung  tal inkhunghran tur tih anni hlawm a, nitin nithum chhung vawikhat zel test tura tih an ni bawk, hemi hnuah hian an positive nge positive lo tih a chiang dawn a ni.

An sawi zel danah C Ronaldo leh Juventus lama a teammates te chu vawi 2 test an ni tawh a, tumah positive an awm lo.

Inkhunghrang se chuan ram tan pawh a khel theilo maithei a, mahse, Portugal tan a fehchhuak tho a ni. A teammates dang thenkhatte pawh inkhunghrang duh lovin an chhuak a, an ram tan an khel leh tho.

Source SL

Please follow and like us: