Manchester United leh Everton an indraw hnu khan Manchester United boss Ole Gunnar Solskjaer chungah player 5 te an hlim vak lo niin report in a tarlang.
Kan hriat angin Red Devils hian a zawnin Premiere League-ah game 2 lai mai point an hlawh chhuak tam thei lova, Everton nen an khelhah khan point khat hlawhchhuakin, Aston Villa lakah an lo tlawm tawh bawk a ni.
Solskjaer’an Cristiano Ronaldo leh Paul Pogba bench-a a thuttir avang khan sawiseltu an tam hle a, hetihlai hian Anthony Martial chu start in midfield-ah Fred leh Scott Mc Tominay a luhtir bawk.
The Telegraph in an tarlan dan chuan Everton an hmachhawn hnu khan Ole Gunnar Solskjaer chungah player thenkhat an lungawi lo niin an tarlang a, lungawi lo zingah hian Cristiano Ronaldo pawh a tel a ni, ani hi final hamrik a rik rual khang rang takin tunnel lam a pan nghal.
Paul Pogba pawh a hlim lo niin an sawi a, David de Gea, Jadon Sancho leh Donny van de Beek pawh hlim lo zingah an tel ve bawk.
Everton an hmachhawn tum hian Solskjaer’an Jadon Sancho hi a hmang lova, Van de Beek pawh substitute-ah awm mahse, luh tir a ni lo.
Solskjaer tan hun harsa tak alo inherchhuak leh dawn, international break an neih zawh hnu hian, Leicester City, Atalanta, Liverpool leh Tottenham Hotspur te an hmachhan nghal dawn, hnehna a chan pui zel thei ang em le?
Source Sl