Real Madrid chuan an defender Sergio Ramos thlaktu tur an identify niin report in a tarlang. Ramos hian tun thla tawp rualin club a chhuahsan dawn niin official taka puan a ni.
Sergio Ramos hian Spanish khawpuiah kum 16 chhung teh meuh mai hun a hmang a, Los Blancos lama contract a neih hi June ni 30 ah khian a zo ve dawn a ni.
A lan danah chuan Los Blancos lam hian an player thlaktu tur an hmu tawh niin a lang, Marca in a tarlan dan chuan Real Madrid hian Sevilla central defender Jules Kounde chu lak luh an tum niin a tarlang.
He France star Jules Kounde hi Premiere League club lian Manchester United nen pawha sawi zawm a ni a, Real Madrid hian a hma atang tawhin an lo melh ru reng niin an sawi bawk.
Red Devils lam hian Los Blancos star Raphael Varane an duh a, Real Madrid in Kounde an lak luh theihna turin Varane hi Man Utd an lak luh tir a rinawm.
Spanish publication Marca tarlan dan chuan kum 22 a upa Frenchman hian release clause €80 million a nei, Real Madrid president Florentino Perez chuan a lak luh ngei a rinawm niin an tarlang.
Jules Kounde hian Sergio Ramos hnungzuiin Real Madrid-ah hlawhtling ve thei tak ang maw?
Source Sl