La Liga hmahruaitu Real Madrid chuan season thar lo awm turah FC Barcelona star lak luh an tum niin report in a tarlang.
Catalan defender Ronald Araujo hian tun season khelh mekah khelhna hun chang tam hle mahse, Barcelona lama a contract neih hi tun atanga thla 6 naah a zo dawn.
Spain lama report hrang hrangin an tarlan dan chuan, Boston River tana Ronald Araujo a khelh lai atang tawh khan Real Madrid lam hian an lo duh tawh a, mahse, Barcelona lam chuan an la lut ta zawk niin an tarlang.
Eurosport in a tarlan dan chuan Real Madrid lam hian Uruguayan defender Araujo hi lak luh an tum niin a sawi, season thar lo awm tur atan free transfer in an la lut dawn niin a tarlang ve bawk.
2021/22 tan a nih hma khan Real Madrid lam chuan an defender tha pahnih Sergio Ramos leh Raphael Varane hi an lo chan tawh a, Araujo hian an hmun a luahkhat theih ngei an ring.
An sawi zel naah kum 22 a upa Araujo chungchangah hian Barcelona leh Real Madri lam an inbe fel hlei thei lo niin an sawi a, mahse, Real lam erawh pre contract sign pui mai thei turin an ring reng niin an sawi bawk.
Source SL