Report – PSG in an player lak luh thar loan a chhuahtir an duh nghal

Ligue 1 club lian Paris Saint-Germain chuan an player lak luh thar Georginio Wijnaldum chungchangah ruahmanna mak tak an siam, thla tlemte liamtaah chauh khan PSG a zawm a ni.

Kumin June thlaah khan Georginio Wijnaldum chuan Liverpool lama a contract neih a hman zawh hnuin, summer transfer lai khan free transfer in Paris Saint-Germain a zawm a ni.

Paris Saint-Germain tan match 10 starts tir a nih hnuah, Mauricio Pochettino line up ah a tel leh thei tawh lo.

Sky SPorts News in a tarlan dan chuan French Ligue 1 hmahruaitu Paris Saint-Germain chuan club dang atang Dutch midfielder duhtu an awm hun an nghak niin a tarlang a, January transfer window inhawn hunah loan a chhuahtir mai an rilruk niin a tarlang bawk.

French lama a insawn hnuin Wijnaldum hi beisei a phak loh hle a, game pawh a khel tlem hle.

“Ka hlim tak zet tih hi ka sawi theilo, a chhan chu tuna ka dinhmun hi ka duh ang a ni lo.” tiin Wijnaldum chuan Dutch news outlet NOS a hrilh.

“Tun dinhmun atang hian ka inzir a ngai, beitu ka ni. Riltu tluang pangai takin ka awm ang a, a hma dinhmun pha leh thei turin rim takin ka thawk ang.” tiin a sawi bawk.

Source SL

Related Posts

error: Content is protected !!