France club lian Paris Saint-Germain chuan player thar lak luhna tur atan sum tuak an tum a, sum tuak nan an first team player 7 lai maite hralh chhuah an tum niin report in a tarlang.
Mauricio Pochettino hian season thar lo awm turah a team te siam thar a tum hle a, tun summer transfer window-ah hian an buai viau a rinawm. Season khelh zawh takah khan Ligue 1 leh UEFA Champions League nomawi an chan a nih kha. Season tharah chuan lak theih ngei an tum dawn.
French club lian Paris Saint Germain hian Liverpool atangin Georginio Wijnaldum chu free agent in an la lut tawh a, hetihlai hian Achraf Hakimi pawh €70 million velin lak luh an tum hnai niin an sawi.
Le Parisien hian player dang pawh lak luh belh an tum dawn a, an player hralh chhuah tur atang hian €200 million vel an hmuh theih a rinawm.
PSG target zingah hian Sergio Ramos leh Gianluigi Donnarumma an langsar hle, anni pahnih hi free transfer in an la lut thei dawn a, an hlawh pawh an tih tam deuh a rinawm.
Engpawhnise a hnuaiah hian Paris Saint-Germain player chhuak tur pasarih te kan rawn tarlang ve leh e.
Pablo Sarabia
Ander Herrera
Leandro Paredes
Idrissa Gueye
Thilo Kehrer
Abdou Diallo
Layvin Kurzawa
Source SL