Premiere League club pathum ten Real Madrid star Marco Asensio chu lak luh an duh niin report in an tarlang. Marco Asensio hi Los Blancos player hralh chhuah tur zingah a tel a ni.
Spanish news Marca in a tarlan dan chuan Los Blancos manager Carlo Ancelotti hian first team player thenkhatte a chhuahtir nual dawn a, a chhuahtir tur zingah hian Asensio pawh a tel a ni, heng an player hralh chhuahna atang hian player thar dang lak luh an tum niin an tarlang bawk.
Seasn 2 vel liamta atang khan Asensio hi duh angin a che tha vak tawh lova, Real Madrid-ah hian kum 2 daih contract la nei rih mahse, player thar lak luh theihna turin sum tuak nan an hmang dawn a ni.
Fichajes in an tarlan dan chuan Premiere League club pathum Everton, Leeds United leh Leicester City ten Spanish midfielder hi lak luh an duh niin an tarlang.
An sawi zel danah English club pathum te hian 2021/22 season inbuatsaihna atan Asensio hi lak luh an tum niin an sawi a, an chet chhuah vat a rinawm bawk.
Kum 25 a upa Marco Asensio hian Spanish club lian Real Madrid tan match 193 a khelh tawh atangin goals 37 a khung mai bakah assist vawi 22 a nei tling tawh a, kum 2016 khan Real Madrid tan a game hmasa ber a khel tan.
Asensio hi tunah hian Spain U23 tan Olympics a khel mek a, Japan laka goal khung tu kha a ni, final ah Brazil an hmachhawn ang.
Source SL