FC Barcelona chuan Philippe Coutinho chungchangah thu chhuah hnuhnung ber an nei niin report in a tarlang, Coutinho hi Premiere League lama kir leh tur anga sawi a ni mek.
Kum 2018 January transfer window inhawn lai khan Philippe Coutinho chuan Catalan club FC Barcelona a zawm a, kha tihlaia a man chu €120 million lai mai a tlling. Mahse, Anfield lama a chet that angin Camp Nou lamah erawh a che tha theilo.
Barcelona-ah a chet that vak loh avangin Bayern Munich lamah loan in a khel a, Season khelh zawh takah khan Camp Nou lamah kir lehin, January thla atang khan hliamin a tlak buak nghal.
Barcelona lamin player thar an lak luh theihna turin an player neih sa te hlawh tih hniam sak an tum a, Diario Sport in a tarlan dan chuan, tun summer transfer window-ah Philippe Coutinho hi a chhuak dawn niin an tarlang.
Mahse, Coutinho hi Barcelona pre-season training-ah a kir ve tawh a, Club lamin la awmtir rih an tum niin an sawi.
Philippe Coutinh duhtu zingah hian Premiere League club pawh an langsar hle a, hetihlai hian Olympique Marseille leh AC Milan pawh Brazil internatinal duhtu zingah an lang ve a ni. Kum 2018 a Barcelona a zawm atang khan match 90 lai mai club tan a khel tawh a ni.
Source SL