Report hrang hrangin an tarlan dan chuan Paul Pogba chuan tun season khelh lai a zawh hnu hian Manchester United chhuahsan a duh thu a hrilh niin an tarlang. United a chhuahsan huna a khelh duhna club pawh a chiang viau niin a lang.
Daily Star in a tarlan dan chuan kar tlemte liamtaah khan Paul Pogba chuan United chiefs lam a hmu a, tun season khelh zawh ruala Old Trafford chhuahsan a duh thu a hrilh niin an sawi hei mai a ni lo, European champions vawi 13 lai lo ni tawh Real Madrid zawm a duhthuin an khar bawk.
Tun season khelh zawh rual hian Paul Pogba’an United lama contract a neih chu a hmang zo ve dawn a, kum 6 liamtaah khan Man United chuan Juventus atang £89 million lai maiin an la lut a ni. Tuna a lan dan chuan Frenchman hi free agent in United a chhuahsan leh hmel.
Red Devils lam hian 2018 FIFA WOrld Cup winner hi contract thar an la offer rih lova, hun tlemte chauh a nei mek.
Tunkar tirah khan United interim boss Ralf Rangnick chuan Pogba chungchangah duhawmlo deuhin a tawng chhuak, a talent pho chhuah ang hu aiin a hlim zawk niin a sawi. A contract zawhna a thlen hmain hmun dangah contract thar a sign a rinawm a, Los Blancos (Real Madrid) lamah a sign a rinawm ber tiin alo sawi tawh a ni.
Pogba pawhin hunrei tak hliam neia hun a hman hnuin, tunkar chho vel khan training a rawn zawm ve leh tawh a ni.
Source SL