Report: Neymar representative in Premiere League club lian a bia

Paris Saint-Germain lamah Neymar hmalam hun a nghet tawh lova, a representative chuan Premiere League club lian a bia niin report in a talrang.

Paris Saint-Germain lam chuan tun summer transfer-ah Neymar chhuahtir an duh tih ESPN lamin an tarlan hnuin, Neymar hian Parc des Princes a chhuahsan ngei a rinawm.

Chelsea lam hian neitu thar Todd Boehly annei a, ani hian 2022/2023 season inbuatsaihna atan player tha tawk tak pakhat tal lak luh a duh thu an tarlang. An player duh zingah Neymar pawh a tel thu an sawi.

English outletĀ 90minĀ in a tarlan dan chuan Neymar representatives in club lian a contact zingah Manchester United pawh an tel ve niin a tarlang.

Kan hriat angin Red Devils hian tun transfer window-ah player thar an la lut rih lova, hetihlai hian Edinson Cavani, Jesse Lingard leh Paul Pogba te chu free agent in an chan tawh a ni.

Chutiang bawkin Chelsea lam pawhin an hmatawng Romelu Lukaku an chhuahtir tawh a, a club hlui Inter Milan lam a pan. Hakim Ziyech pawhin AC Milan a zawm hnai bawk.

Tuna a lan dan chuan Neymar lak tum zingah Chelsea leh Manchester United an langsar a, Neymar hi PRemiere League lamah lo lut ta se, Premiere League a hmuhnawm sawt a rinawm.

Source

Related Posts

error: Content is protected !!