Report – Man Utd star in January transfer ah Barca zawm a rem ti

Spain lama report tarlan danin Manchester United star Edinson Cavani chuan January transfer window-ah FC Barcelona zawm a remti niin an tarlang.

Edinson Cavani’an Red Devils lama contract a neih chu tun season khelh zawh hian a hmang zo dawn a, mahse, a chhuahsan hun tur thla 6 hmain club a chhuahsan dawn niin a lang.

 

Spanish publication Marca in a tarlan dan chuan Uruguayan hian Catalan lam atanga offer a hmuh chu a pawmpui niin an tarlang. United lamah khelhna hun a chang thei mang lova, January transfer window-ah chuan a chhuah ngei a rinawm.

Cristiano Ronaldo’an Manchester United a pan hnuah Edinson Cavani hian khelhna hun a chang mang tawh lova, League bikah pawh match 5 chiah ala inlan thei rih a ni.

An sawi zel danah Barcelona hian Sergio Aguero hmun luahkhattu atan Edinson Cavani hi an duh a, reilote chhung contract pek an tum niin an tarlang bawk.

Edinson Cavani’an FC Barcelona a pan thei a nih chuan khelhna hun a nei tam ngei anga, nakum FIFA World Cup pawh a ram Uruguay tan pawh khelh theihna chance ala nei thei dawn a ni. Hetihlai hian Manchester United lamin striker hlawh erawh an pe zel ang.

Kum 34 a upa Edinson Cavani hian season hmasa khan Paris Saint-Germain atang Red Devils hi free transfer in a zawm a, all competion ah goal 17 khung tawhin assist vawi 6 a nei bawk.

Source SL

Related Posts

error: Content is protected !!