Report: Man Utd in Man City player hlui lak luh an tum?

Manchester United chuan Erik ten Hag squad thawm that deuh nan Manchester City star hlui lak luh an tum dawn niin report in a tarlang.

Kan hriat angin Red Devils hian tun summer transfer-ah player pathum Tyrell Malacia, Christian Eriksen leh Lisandro Martinez te chauh an la lut rih a.

Chutihlaiin Crisitano Ronaldo pawhin Champions League football khelh theihna club pan a duh avangin Old Trafford chhuahsan a duh ve bawk.

The Mirror in a tarlan dan chuan United lamin Bayern Munich leh Germany star Leroy Sane chungchangah enquiry an ti niin a tarlang.

Red Devils hian Ajax Amsterdam atang Anthony lak luh an tum bawk a, mahse, Dutch club lian hian an player man atan hian £84 million lai an hauh ve thung.

Brighton and Hove Albion an hmachhawn tur chungchangah Ten Hag hnenah transfer chungchang zawh a ni, player dik tak chauh an thlan tur thu a sawi chhuak.

“Hei hi dinhmun tha tak ani nei ang, mahse, tunah rih chuan squad ka nei a, heng ka squad te hian min la ti hlim” tiin Ten Hag chuan official website ah a sawi.

“Tuna ka squad neih mek hi an insiam tha mek a, tuna kan lak luh tawhteah hian ka la hlim a ni. Player dang kan mamawh rih lova, player tha leh dik chauh kan mamawh a ni.” tiin a sawi bawk.

Source SL

Related Posts

error: Content is protected !!