Tun transfer window meuh chu Manchester City lamin hna an ngah dawn hle niin a lang. Report thar berin a tarlan dan chuan Manchester City star pakhatin Barcelona-ah Sergio Aguero zawm a duh niin an tarlang.
Season khelh zawh takah khan Bernardo Silva chu duh angin che tha vak lova, a tla hniam deuh, hei vang hian club thar danga insawn a tum niin an sawi.
The Athletic in a tarlan dan chuan Man City manager Pep Guardiola hian squad thar a din dawn chuan sum tuak nan attacking midfielder Bernardo Silva hi a hralh chhuak dawn niin an tarlang.
Bernardo Silva hian Catalan club lian FC Barca hi a zawm duh a, Season khelh zawh takah khan Man City lamin Premiere League nomawi chawi mahse, club thar danga insawn chu a duh tho niin an sawi.
Hetihlai hian City manager Pep Guardiola chuan Portugal star hi chhuahtir mai a duh lo niin an sawi a, mahse, khelhna huntha a neih tam vak loh avangin chhuahsan mai pawh pawi a tilo.
Manchester City leh Aston Villa star Jack Grealish hi sawi zawm mek anni a, mahse, an lak luh dawn chuan sum hmuh nan City player thenkhatte an chhuah phawt a ngai dawn niin an sawi.
2020/21 season khelh zawh takah khan Bernardo Silva hian all competion-ah goal 5 khungin assist vawi 9 a nei a ni.
Source SL