Report mak dangdai tak tarlan danin, Lionel Messi leh FC Barcelona lama a teammate hlui Gerard Pique inthianna chu chiang takin a tawp tawh niin a tarlang ta tlat mai.
Tun hnai lawkah khan Xavi Hernandez kum 42 birthday lawmnaah Lionel Messi pawh hmuh a ni, birthday lawmnaah hian a teammate hlui Jordi Alba leh Sergio Busquets te pawh an tel ve a ni.
Gerard Pique erawh khawiah mah hmuh a ni ve lo, kum tlemte liamta atang khan Pique leh Kum 34 a upa Lionel Messi karah thil fello a awm niin an sawi.
Kum 2021 August thla khan Lionel Messi chuan Catalan club a chhuahsan a, a chhan pawh Spain lama a contract neih a zawh vang leh club lamin contract thar an pek theih loh vang a ni.
Tunlai vel hian report tam takin Messi leh Pique inlaichinna chu a chhe tawh hle niin an rawn sawi thar a, a chhan ber pawh Spanish centre back Pique hian Barcelona president Joan Laporta hnenah, “Messi hi chhuak mahse, thil thalo eng mah a thleng lovang” tiin a hrilh a ni.
Sport journalist Lluis Mascaro in a sawi dan chuan, Paris Saint-Germain forward Lionel Messi hi Pique’an a ti na tak zet tiin a sawi ve bawk.
Spanish defender Pique hian kum 2019 khan Matthijs de Ligt chu Barcelona zawm lo turin alo hrilh tawh bawk. Hei thu a sawi vang khan dem a hlawh hle a nih kha.
Pique’an zawm lo tura a tih hma khan De Ligt hian Spanish club lian FC Barcelona hi zawm a tum tawh a, mahse, Pique thusawi vang kha nge ni, Juventus a zawm leh ta zawk a ni.
Source SK