La Liga club lian Real Madrid chuan Paris Saint-Germain superstar Kylian Mbape transfer chungchang an ti fel niin report in a tarlang.
Paris Saint-Germain lama Kylian Mbappe hmalam hun hi a chiang vak tawh lova, tunah hian a contract tawpna ber kum a hmang hmang mek a, contract a pawtsei dawn nge dawn lo tih engmah thu chiang a la awm lo.
Contract an pawhsei sak lo a nih chuan kum 22 a upa Kylian Mbappe hi tunah hian an hralh chhuah a ngai dawn a, tuna an hralh chhuah chuan a man hi an hmu thei dawn a ni, an hralh chhuak lo a nih chuan season thar zawh hunah a free in an chan thei dawn a ni.
Spanish publication Cadena Ser tarlan dan chuan Real Madrid hian tun summer transfer window inhawn chhungin French forward Kylian Mbappe chu an la lut dawn lo niin a tarlang.
A lan danah Los Blancos lam hian Paris Saint-Germain attacker lak luh nan sum lamah harsatna an nei deuh niin a lang a, season thar lo awm turah hian Real Madrid lamah Mbappe hi kan hmuh a rinawm loh.
Marseile manager hlui Andrea Villas Boas chuan 2018 FIFA World Cup winner Kylian Mbappe hi Santigao Bernabeu-ah a tawp a ring ve thung.
“Mbappe hi engtikniah emaw Real Madrid-ah hian a la lut ngei ngei ang, a hmat leh tlai chu ka hre lo.” tiin Andrea Villas Boas chuan Sport Bild a hrilh.
“Cristiano Ronaldo pawh kha star a nih hnuah Real Madrid in an la lut a, a hma aiin a tha zawk, kha tiang chiah khan Mbappe pawhin a tih theih ve ka ring.” tiin a sawi bawk.
Source Sl