Kar hmasa Zirtawp (Friday) khan Brazilian right back Dani Alves chu Barcelona lamah a kir leh a, Barcelona team player hlawh tlem ber a nih thu report in an tarlang.
Kum 38 a upa Dani Alves hi kum 2008 leh 2016 inkar chhung zawng kha Catalan club tan hun alo hmang ve tawh a, season 8 lai a nih chu. President Joan Laporta lak luh niin, Barca president a nih vawikhatnaa a lak luh a ni.
Laporta bawk hian Alves lak luh leh theihna atan a bei a, Zirtawpni khan free agent in a lut ta a ni. Manager thar Xavi Hernandez pawhin a chhawr rim viau a rinawm.
Kan hriat angin FC Barcelona hian sum lamah harsatna hrang hrang an tawk a, Brazil international hlawh tur chungchang pawh an siam fel tawh niin an sawi. Sport in an tarlan dan chuan Juventus leh Paris Saint-Germain fullback hlui Dani Alves hi Barcelon first team player atanga hlawh tlem ber a nih thu an tarlang.
Mahse, Xavi hian FC Barcelona chu dinhmun sang tak a thlen pui theih a nih chuan season tawp hunah pawisa (bonus) a dawng thei dawn niin an tarlang.
Sao Paulo player hlui Dani Alves’an Spain lama contract a neih hi tun season khelh zawh hian a zo ve dawn a, 2022 FIFA World Cup khel tur Brazil squad-a tel ve ngei a beisei a ni.
Dani Alves hi Spanish club lian Barcelona player hlui a ni tawh a, club tan match 391 lai mai a inlan tawh a ni. Goal 122 a khung mai bakah trophies 23 lai a chawi bawk.
FC Barcelona Player hlawh hnem zualte
5. Gerard Pique – £210 000
4. Memphis Depay – £230 000
3. Sergio Aguero – £230 000
2. Sergio Busquets – £258 000
1. Frenkie de Jong – £354 000
Source SL