Manchester United in goalkeeper dang an lak luh hnuah, David de Gea pawhin Old Trafford lama a hmalam hun tur a sawi chiang niin report in an tarlang.
Old Trafford lamah David de Gea hi a che tha vak lova, season tawp dawn atang kha chuan United lam hian Dean Henderson chu an hmang tam zawk, 2020/21 UEFA Europa League final-ah pawh De Gea hi a start lo a ni.
Red Devils chuan goalkeeer back up tu tur atan Tom Heaton an lak luh thu an confirm a, mitamtak chuan Hendeson emaw David De Gea hian tun summer transfer window-ah club an chhuahsan an ring a ni.
Old Trafford lamah David de Gea hi rinrawl ber ni tawh lo mahse, club-ah la cham chhunzawm a duh a, a position luah leh theih ngei a tum niin ESPN chuan a tarlang.
Kum 30 a upa David De Gea hian Old Trafford-ah hian kum 3 daih contract ala nei mek a, tunah hian Man Utd player hlawh hnem ber niin kar khatah £375 000 a hlawh mek a ni.
Euro 2020 atanga an tlak hnua David de Gea pawh pre season khel turin United lamah a kir thuai a rinawm a, mahse, Pre season-ah hia chuan Ole Gunnar hian Dean Henderson a khelh tam tir zawk a rinawma, amah back up turin Heaton leh Lee Grant te a nei bawk.
Source SL