European champions Chelsea chuan an star player an chan dawn niin a lang, Spanish club lian Real Madrid contract chungchang a pawmpui tawh niin report in a tarlang.
Antonio Rudiger’an Blues lama contract a neih hi, tun season khelh zawh rual hian a zo ve dawn a, January transfer window inhawn hunah club dang tan pre-contract neih a rem thei dawn a ni.
The Independent in a tarlan dan chuan, Los Blancos lam hian season thar atan Germany international hi ‘informal agreement’ an neih pui tawh niin a tarlang.
Report in a sawi zel dan chuan Rudiger agen leh unaupa ni bawk Sahr Sanese chuan thla hmasa khan Spanish club lian Real Madrid representative a hmu niin an sawi a, Antonio Rudiger pawh a hmu bawk.
Chelsea defender Antonio Rudiger duhtu zingah hian Premiere League club lian Manchester United leh Tottenham Hotspur pawh an tel a, mahse, Antonio Rudiger hian Premiere League lama an elpui team erawh zawm a duh lo niin The Independent in a tarlang.
Blues manager Thomas Tuchel pawhin thla hmasa khan Antonio Rudiger chungchang sawiin, a duh hle tih a chiang.
“Rudiger hi a nikhatna atangin sawisel tur awm lo a ni, level sang takah hian a tha tulh tulh mai.”
“Dinhmun chu dihmun a ni. La awm rih turin kan duh hle a, kan duhna hi a chiang hle, amah pawhin a hria” tiin Chelsea boss Thomas Tuchel chuan a sawi.
Source SL