Sum lama harsatna nei vaklo Chelsea chuan an player duh Borussia Dortmund star Erling Haaland chu an um zui zel tun summer-ah lak luh ngei an tum dawn niin report in a tarlang.
Hriat angin tun summer transfer chu a kal chho zel a, hetihlai hian Chelsea club hausa chuan player thar, official takin an la lut rih lo. Mahse, tun summer transfer window chhung ngeiin striker thar erawg lak luh an tum ruh hle.
Tunhnaia report hnuhnung berin a tarlan dan chuan Erling Haaland leh Romelu Lukaku hi Chelsea main target an nih thu an tarlang.
Chelsea in Erling Haaland lak luhna turin £150 million an thehchhuak
England club hausa Chelsea chuan Erling Haaland man tur atan an ngam huai hle a. Erling Haaland an lak luh theihna tur chuan £150 million lai thehchhuah an zuam niin an sawi. Bundesliga club hian an zawrh chhuah thuai a rinawm.
Erling Haaland hian nakum summer transfer ah chhuah a tum chuan, a man tur hi £68 million chauh a ni thei dawn a, tunah chuan release clause a neih vangin a man hi a tlawm thei tak tak lo a, hei vang hian Dortmund lamin tun summer transfer a hralh chhuah chu an duh ber dawn a ni.
Chelsea neitupa Roman Abramovic’an Player lak luh ngei a duh
Chelsea neitupa Abramovic chuan tun summer-ah player tha lak luh ngei a duh a, Erling Haaland pawh shortlist ah a awm. Mahse, Abramovic hian Romelu Lukaku chu Stamford Bridge lama lak luh a duh niin report in an tarlang.
Chelsea hian Romelu Lukaku a nih loh chuan Erling Haaland hi an lak luh theih ngei a rinawm. A chhan chu sum lamah an buailo tlat.
Source 90Min