European champions Chelsea chuan an first team star pahnih chu FC Barcelona lama zawrh chhuah an pawi tilo niin report in an tarlang. Chelsea hian an attack lam thuam that an tum ve mek bawk.
Blues star pahnih Hakim Ziyech leh Timo Werner hian season hmasa khan Chelsea an zawm a, mahse, Ajax Amsterdam leh RB Leipzig lama an chet that ang khan Stamford Bridge lamah hian an che tha lem lo.
Spanish publication Sport in a tarlan dan chuan Barcelona lam hian January transfer window inhawn hunah attacker pahnih te hi lak luh a theih leh theih loh chungchangah Premiere League club Chelsea hi an contact niin a tarlang.
Season tan tirh atang khan Ziyech leh Werner hi duh angin an khel tam lova, hmun an chang tam vak lo. Hei vang hian khelh tam theihna tur club an zawng ve dawn niin an sawi.
Chelsea hian Ziyech leh Werner hi thla leh khian hralh chhuah dan an ngaihtuah dawn niin an sawi a, mahse, Barcelona lam hian Chelsea duh ang sum an pe thei ang em tih erawh ala chiang lo.
FC Barcelona lak tum zingah hian Manchester City star pahnih Raheem Sterling leh Ferran Torres pawh hi an tel a, Al Shad striker Baghdad Bounedjah pawh hi Xavi target a nih thu an tarlang.
Source Sl