Report in an tarlan dan chuan Paul Pogba’an Manchester United lama a hlawh duh zat demand chu a tam hle niin an tarlang a, United hlawh hnem ber Cristiano Ronaldo hlawh ai pawhin a tam thei dawn niin a lang.
French publication L’Equipe in an tarlan dan chuan kum 28 a upa Paul Pogba chu England lamah contract a sign belh dawn niin an tarlang a, Red Devils-ah contract a sign belh a nih ngat chuan Premiere League player hlawh hnem ber a ni thei dawn niin an tarlang bawk.
Pogba’an tuna contract a neih hi nakum 2022 June thla khian a hmang zo dawn a. Hetihlai hian thuthang hrang hrang a awm, January thla vel atang duhtu pawh a nei nual maithei bawk.
Pogba hian C Ronaldo hlawh ai a hlawh tam ngei a rinawm, tunah hian C Ronaldo’an kar khatah £510 000 vel a hlawh a ni.
Daily Mirror in an tarlan ve dan chuan Juventus midfielder hlui Pogba hian a duhna te ti hlawhtling turin Board meet nei se tih a duh a, kum a thar hma ngeiin United lamin Pogba hmalam hun tur an ngaihtuah hman a rinawm bawk.
Kan hriat angin Manchester United hi EPL lamah an che tha lo hle a, Pogba hnenah contract an offer dawn nge dawn lo tih pawh a la chiang thei rih lo. A bik takin Pogba hi Ole Gunnar Solskjaer’an a chhawr vak tawh lo.
Thla liamta vel atang khan Pogba hi Ole Gunnar duh zingah a tel lo ti ila kan sawi sual awm love, mahse, 2021/22 season bul a tan tha viau thung.
Tun season Premiere League bikah Pogba hian Premiere League match khelh hmasak 4 ah khan assist vawi 7 lai a nei hman nghe nghe. Mahse, Competion dangah erawh assist ala nei bik lo.
Source Sl