FC Barcelona in Liverpool star Georginio Wijnaldum chu duh mahse, an la thei dawn lo niin a lang, amah aiawh tur an hmu niin report in an tarlang.
Dutch midfielder Wijnaldum hi Netherlands lama a manager hlui Ronald Koeman nen Camp Nou lamah an thawk dun leh dawn niin an sawi a, Wijnaldum hian free agent in Liverpool a chhuahsan dawn a ni.
Mahse, report thar berin a tarlan dan chuan, Paris Saint-Germain lamin Wijnaldum hi offer tha tak hmangin an hijack niin an tarlang a, Catalan club lian Barca ina hlawh an pek tur ai tama pek an tum niin an tarlang bawk.
Spanish publication Diario As tarlan dan chuan Barcelona hian Wijnaldum tan offer mumal tak an neilo niin a tarlang a, tunah chuan AS Roma star Lorenzo Pellergrini chu an hel leh niin an sawi.
Pellegrini hi Serie A club-ah hian a contract kum khat chiah a nei tawh a, Season thar atan Jose Mourinho hnuaiah contract thar dang a sign dawn nge sign dawn lo tih erawh a la chiang lo.
Liverpool lam pawhin Pellegrini hi an beisei ve bawk a, Roma hian midfielder man atan €25 million vel an hauh a rinawm.
Spanish club lian FC Barcelona hian player pahnih Sergo Aguero leh Eric Carcia an la lut tawh a ni. Player dang pawh lak luh belh zel an tum niin a lang.
Source SL