Report – Barca in De Jong man tur an sawi chhuak

FC Barcelona chuan an midfielder Frenkie de Jong man tur an puang niin report in a tarlang. Tunah hian Manchester United leh Manchester City nena sawi mek a ni bawk.

Kar hnih liam vel ta atang khan Netherlands star hi FC Barcelona atang chhuak tur anga sawi a ni a, an sawi zel danah Barca lam hian player dang lak luhna atan De Jong hi zuar chhuah an pawi ti lo niin an sawi.

Manchester club pahnih leh kum 24 a upa Frenkie de Jong hi sawi zawm anni mek a, kum 2019 khan Barcelona chuan Ajax Amsterdam atang la lutin Camp Nou lamah beisei a pha vak lo.

Spanish outlet Fichajes tarlan dan chuan Catalan club lian hian an midfielder chu hralh chhuah turin offer an siam a, a man tur hi €90 million lai niin an tarlang bawk.

Frenkie de Jong pa pawhin a fapa chu European club lian 5 lai maiin lak luh an duh niin a sawi a, a fapa pawhin a hria niin a sawi bawk.

Frenkie de Jong hi Ajax Amsterdam lama a khelh lai kha chuan a che tha ang reng a, mahse, Camp Nou lamah erawh beisei angin a che tha hlei thei lo.

January transfer ah emaw Summer transfer window inhawn hunah a chhauh ngei a rinawm. Amah lak tum zingah Man United leh Man City an langsar ber rih niin report in a tarlang.

Source SL

Related Posts

error: Content is protected !!