Kan hriat angin Sergio Aguero chuan football a chawlhsan thu a puang a, hemi hnu lawk hian Barcelona lama a hlawh tur zawng zawng chungchangah ngaihdan a siam niin report in a tarlang.
Argentine striker Aguero hian Catalan club lian Barcelona-ah hian kum 2 daih contract a nei a, summer transfer hnuhnung berah khan Manchester City atangin free transfer in a zawm a ni.
Catalan outlet L’Ara tarlan dan chuan Aguero hian contract a neih kum 2 na hlawh a la duh lo niin an tarlang a, tun season chhunga a hlawh chiah lak a tum niin an tarlang a ni.
An tarlan zel danah Barcelona medical insurance policy hmangin tun season chhung an covered bawk ang.
FC Barcelona tana Sergio Aguero khelh hnuhnung ber chu October ni 30, 2021 a Deportivo an hmachhawn tum kha a ni a, he match ah hian first half ah thawk lam harsatna a neih vangin lak chhuah a ni.
Sergio Aguero thutlukna siam hi club tan chuan chanchin lawmawm tak a ni ngei ang, sum lamah harsatna an tawh lai an i bawk nen. Ti hian free transfer an lak luh Dani Alves pawh an register thei dawn tihna a ni.
Dani ALves hi official takin January ni 1, 2022 atang chauhvin club a zawm thei dawn a ni.
Source SL