Arsenal forward Reiss Nelson chuan Emirates Stadium ah kum 2027 thleng daih tur contract thar a ziak a, a contract neihlai hi thla 12 dang pawhsei theih tur a ni bawk.
Kum 23 a upa hi English international Gunners academy chhuak niin season hmasa khan North London club tan inelna hrang hranga game 18 (5 starts) a inlan atangin goal 3 leh assist vawi 3 a thawkchhuak.
Nelson hi season hmasa khan Premier League ah substitution bench atanga vawi 8 dah luh a ni a, Bournemouth lakah 3-2 a Gunners an come back tumin Nelson hian team chakna goal pawimawh tak a khung. Tin, league ah tho 5-0 a Nottingham Forest an sawp tumin a khel tha hle a, goal khungtu zingah a tel bawk.
Arsenal boss Mikel Arteta chuan Nelson chungchang hetiang hian a sawi, ”He hmuna ka awm tirh phat ata Nelson hi ka player ngaihsan a ni a, a theihna neih hi a ropui in kan khingpuite nawr tura talent nei tha tak a ni. A theihna avang hian Reiss hi kan squad tan engtiang taka pawimawh nge a nih tih chu a inhrechiang khawp ang.”
”Kan hnena awm zel tura thutlukna a siam fel hi a ropui hle. He club hi a hrechiang a, he hmuna seilian hi niin kan hmabak a hun duhawm tam tak tawng turin kan thawkrim dawn a ni” a ti.