Major League Soccer a manager pakhat chuan referee te chu Lionel Messi hum turin a duh.
Footballer ropui ber te zinga mi Messi hian Europe a chhuahsan hnuin Saudi lam aiah United States lam pan a thlang a, Major League Soccer tan chuan Ballon d’Or 7 kawltu an nei tur hi thil lawmawm tak a ni chiang e!
MLS coach pakhat chuan Messi lakah player dangte rawva taka an chet loh nan leh a hliam mai loh nan referee te’n Messi chu veng tha zual se a duh.
Hming tarlan loh manager pakhat chuan Athletic kaltlangin hetiang hian a sawi, “Messi hian Michael Jordan treatment ang kha nei ve rawh se. A koh apiang chu foul a ham mai tur a ni” a ti.
Atletico Madrid defender hlui Felipe Luis chuan Laliga ah Lionel Messi chuan referee te ngaihven bik anih thu hetiang hian a lo sawi tawh, “Press mite bakah league referee te pawhin an hum thin. Ka ngaihdan chuan khawvela player tha ber pakhat hi a inhliam ang a, a inkhel thei lo mai ang tih an hlauh vang a ni ang” a ti.
Messi hi MLS lama insuan tur star liantham hmasa ber nilo mahse referee Robert Sibiga chuan Ballon d’Or 7 kawltu lokal tur hian referee te chu pressure na zawk a siam der tawh niin a ngai.
”David Bechkham leh Zlatan te level a ni lova, Messi hi chu level hran daih a nih avangin referee te tan pressure tam zawk a awm lo thei lo. Chutihrualin referee kan nih anga kan duh ber chu mite’n a ham fet lo mi ti se tih hi a ni. Player talent nei tam lo zawk leh tawnhriat la ngah vak lo te pawh in player tawnhriat ngah tawh Lionel Messi te ang lakah an duh ang takin che ngam se kan duh” tiin Sibiga chuan a sawi.