Real Madrid president Florentino Perez chuan Toni Kroos an sign chu Club “Transfer of the Century” a nih thu a sawi niin German midfielder agent in a sawi.
Kum 2014 khan Real Madrid chuan Bayern Munich atangin Toni Kroos hi kum 6 chhung atan an la lut a, Toni Kroos hi 2014 FIFA WOrld Cup, Brazil a neih takah a chet that em avangin Real Madrid lamin an la lut a ni.
Toni Kroos lak luhna atan Real Madrid lamin £22 million an seng, Kroos hi Spain lamah a hlawhtling thawkhat viau, Real Madrid chu League title 2 leh Champions League nomawi 3 lai a chawi pui tawh a ni.
Hliam a neih avangin hunrei tak chhung a chawlh hnuin, kum 31 a upa Toni Kroos hi Real Madrid player pawimawh tak pakhat a ni mek, tunah hian Real Madrid tan match 330 lai maiah a inlan tawh a ni.
Real Madrid Presiden Perez’an midfielder Toni Kroos an lak luh chu an player sign tawh zawng zawnga ropui ber pakhat a nih thu a sawi niin Toni Kroos agent Volke Struth chuan a sawi.
“Rin lo deuh maiin Perez hi pa nelawm tak mai a ni a, life story ropui tak a nei bawk.” tiin Struth chuan Perez chungchang OMR Podcast ah a sawi.
“Entrepreneurial a nih mai bakah mi pangai tak a ni. Toni Kroos hi Real Madrid transfer of the century a nih chungchang ka hnenah a sawifiah” tiin a sawi bawk.
Source SB