Real Madrid leh Inter Milan in Arsenal star £25 million man an duh – Reports

Champions League winners vawi 13 lai ni tawh Real Madrid leh Italian champions Inter Milan chuan Arsenal centre back William Saliba cu lak luh an duh niin report in a tarlang.

Kum 2019 summer transfer lai khan Saliba chuan AS Saint-Etienne atang Arsnal hi a zawm a, mahse, Gunners tan ala inlan rih lo. Tunah hian Marseille lamah loan in a khel mek a, Ligue 1 club lamah a che tha ang reng a, a chet dan te an thlir let.

Kum 20 a upa chauh la ni rih mahse, pitch chhungah erawh a che tha hle. Tun season khelh mekah pass completed 1646 lai mai Ligue 1 lamah a nei tling a ni. Hei mai bakah tackles 31 leh blocks 28 lai a nei tling bawk a ni.

Calciomercato in a tarlan dan chuan Real Madri leh Inter Milan chuan an squad-ah player skill nei tha deuh hlek dah belh an duh niin an tarlang. Los Blancos pawh hian centre back skill nei tha pakhat vel chu an mamawh hle a, Saliba hi an lak luh tur zingah a tel. Tunah hian Eder Militao leh David Alaba annei a, anni pahnih hi first choice anni. Nacho leh Jesus Vallejo hi anmahni back up tu anni mek. Hetihlai hian Nacho hi a che tha vak tawh lova, Vallejo pawh beisei angin a che tha bik lo.

Inter Milan pawhin centre back skill nei tha ve deuh hlak lak an mamawh a, tunah hian Alessandro Bastoni, Stefan de Vrij leh Milan Skriniar te hi Nerazzurri hman rim ber ber te anni. Kum 33 a upa Adrea Ranocchia hi chu an fourt choice a ni thung. An lak tur zingah Saliba hming a langsar a ni.

Arsenal hian tun season tawp rual hian an star Saliba hi chhuahtir an tum dawn a, kum 2019 khan €32.4 million in la lut mahse, €30 million in hralh chhuah an tum dawn niin an tarlang. Hetihlai hian Arsenal lamah hian kum 2024 thleng contract a nei thung.

Source SK

Related Posts

error: Content is protected !!