Real Madrid in an player hlui tuna Manchester United superstar Cristiano Ronaldo chu Bernabeu lamah lak let leh an tum deuh niin report in a tarlang.
Cristiano Ronaldo hia Real Madrid-ah khan kum 9 chhung teh meuh mai hun a hmang a, match 438 a khelh atang goal 450 lai a khung a ni.
FootballInsider in a tarlan dan chuan Cristiano Ronaldo’an Juventus a pan atanga kum 3 naah Real Madrid in Ronaldo hi Madrid lamah lak let leh an tum dawn niin a tarlang.
Report in a tarlan zel danah chuan Ralf Rangnick’an United a enkawl hnuah, C Ronaldo tan Real Madrid lama kir lehna kawng a inhawng niin a tarlang.
Kan hriat angin Manchester United manager system chu game nawr lam a uar deuh niin an sawi, hei vang hian Cristiano Ronaldo hi Rangnick system-ah a leng ve ang em tih chu zawhna tam ber pakhat a ni.
Mahse, Rangnick’an Manchester United game a khelh pui vawikhatnaah C Ronaldo hi a che tha ang reng a, Rangnick pawhin a fak nghe nghe.
Red Devils in Old Trafford-a Crystal Palace 1-0 a an hneh tum khan Fred chuan hnehna goal a khung. Kha game ah khan Rangnick chuan Ronaldo leh Marcus Rashford chu a paired tir a, Ballon d’Or vawi 5 lai dawngtu C Ronaldo atang ve deuh a niang, a che tha ang reng a, nawr lamah pawh hma a sawn viau.
Kha game khelh zawh khan Rangnick chuan C Ronaldo a fak, “Striker pahnih hmanga khelh hi kan duh, a bik takin central position ah.” tiin Rangnick chuan a sawi.
“Engpawhnise, Cristiano Roanldo hi ball-ah tha tak zet.” tiin a fak.
Real Madrid hian an la let leh mai lovang maw?
Source The Sun Football