La Liga club lian Real Madrid chuan Manchester United striker Antony Martial chu lak luh an tum dawn niin report in an tarlang.
Hriat angin Anthony Martial hi 2020/21 season khan Red Devils tan a che tha vak lova, Premiere League match 22 a inlan atangin goal 4 chiah a khung thei a ni.
April thla khan a inhliam a, Edinson Cavani chu Ole Gunnar Solskjaer main striker a rawn ni chho a, team tana goal pawimawh tak tak a thun zeuh zeuh bawk.
Daily Express in an tarlan dan chuan Los Blancos lam hian France international an lak luh theihna atan offer an siam niin an tarlang.
Man Utd in attacker dang an la lut a nih ngat chuan Martial dinhmun pawh a thalo hle a, Man Utd lamin Borussia Dortmund winger Jadon Sancho lak luh an tum ruh hle a nih kha, an la lut a nih chuan Martial tan chuan Man utd chhuahsan mai kha a tha zawk dawn niin a lang.
An sawi danah chuan Real Madrid hian Anthony Martial hi hunrei tak atan loan a lak phawt a, hemi hnuah a nghet lak chu an tum dan niin an sawi.
Real Madrid in an manager thar atan Carlo Ancelotti an lak luh hnuah, Everton star Richarlison pawh Real nena sawi zawm a ni. La Liga club lian hian Bayern Munich atangin David Alaba chu a free in an la lut tawh bawk.
Anthony Martial hi an la lut mai lovang maw?
SOurce SL