Real Madrid in Wanda Nara inrawlhna telloin Icardi offer an pe duh?

Paris Saint-Germain star Mauro Icardi chu Real Madrid lak tum zingah a tel niin report in a tarlang a. Mahse, La Liga club lian Real Madrid hian thil pakhat tello se tih an duh a, chu chu Icardi nupui hi a ni.

Mundo Deportivo in a tarlan dan chuan Real Madrid hian Icardi nupui Wanda Nara nen thil engmah tih an duh lo niin a tarlang, Wanda Nara hi Icardi chungchangah thu a nei ang reng hle a, a agent anih mai bakah a nupui a ni. Real Madrid in lak luh an tum tak tak a, inremna an neih theih na tur chuan a inrawlh ngei a ngai dawn niin a lang.

Mahse, Los Blancos lam hian Icardi chungchangah a nupui inrawlhna tel lova PSG biak an duh tih chu a chiang hle.

Inter Milan striker hlui Mauro ICardi hian kum 2019 khan Pard des Princes hi a zawm a. A zawm kum kha chuan a che thain, season pawh a khar tha hle, all competion ah match 34 a khelh atang goal 20 khungin assist vawi 4 a nei tling nghal anih kha.

Kum 2020 khan a nghetin Inter Milan atang PSG a zawm ta a, heta tang hian duh angin a che tha hlei thei tawh lo. 2021-22 season khan match 30 a inlan atang goal 5 chiah a khung thei a ni.

Real Madrid hian an striker tur atan an duh tih chu a chiang a, mahse, la lut thei tak ang maw?

Source SK

Related Posts

error: Content is protected !!