Real Madrid chuan french defender Raphael Varane man atan €70 million a nih thu an puang niin report in a tarlang. Kum 27 a upa Raphael Varane hi thla tlemte liamta atang khan Manchester United nena sawi zawm anni.
Sky Italia in a sawi dan chuan, Manchester United lam hian Real Madrid defender Raphael Varane man atan hian €40 million pek mai bakah bonus pek an zuam niin a sawi a. Mahse, a lan danah chuan Los Blancos lam hian an defender man atan €70 million lai mai an hauh niin a lang.
Raphael Varane hian Real Madrid-ah hian kum khat daih contract a la nei mek a. Hei vang hian Spanish club lian Real Madrid chuan tun summer transfer window-ah an hralh chhuah ngei ngei a rinawm. A chhan chu nakum lamah khi chuan a free in an chan theih dawn vang a ni.
Hetihlai hian Real Madrid defender Sergio Ramos a chhuah tawh avangin Raphael Varane erawh awmtir rih an tum niin report thenkhatin a tarlang ve thung. Raphael Varane contract thar chungchang engmah a la awm lova, Premiere League lamah a insawn ngei ringtu an thahnem hle.
Manchester United boss Ole Gunnar Solskjaer chuan tun summer-ah Raphael Varane chu lak luh ngei a duh a, Borussia Dortmund atangin Jadon Sancho an lak luh hnuah Frenchman Varane hi an target ber ani mek.
Man Utd boss Ole Gunnar Solskjaer hian a defender neih tawh sa Victor Lindelof, Eric Bailley leh Axel Tuanzebe te chungah rinna a nei tlem deuh tawh niin a lang.
Source SK