Kan hriat angin Real Madrid leh Kylian Mbappe te hi hun rei tawh tak atang khan sawi zawm an lo ni tawh a, mahse report hnuhnung berin a tarlan dan chuan, Mbappe lak luh an tumna chu an thulh leh tawh niin an tarlang.
Kum 24 a upa Kylian Mbappe hian Paris Saint-Germain-ah hian a contract tawpna tur a hmang mek a, tun summer khan club hnenah contract thar a sign loh tur thu a hriattir tawh nghe nghe a, mahse club lamah hun ala hmang chhunzawm ta tho a ni.
Hunrei tawh tak atangin Real Madrid chuan lak luh an lo tum tawh a, amah la theitu tur zingah Real Madrid chu hmahruaitu anni tiin kan sawi thei ang. Amaherawhchu, Real Madrid lamin lak luh an tumna chu an thulh leh niin an sawi.
Real Madrid Zone lamin an tarlan danin Los Blancos chuan Mbappe lak luh an tumna chu an thulh niin a tarlang a, an thulh chhan chu hlawh a phut san em avang leh bonus a phut san em vang niin an tarlang a, player naupang zawk Endrick leh Eduardo Camavinga chu focus an duh zawk niin an tarlang bawk.
Endrick hian summer transfer lai khan Los Blancos hi a zawm a, kha tihlai khan kum 18 a upa a ni.
Hetihlai hian Camavinga hi kum 20 a upa chauh a ni a, Carlo Ancelotti hnuaiah first team player hlu tak a ni mek.
2021 summer transfer lai khan Real Madrid hi a zaem a, match 114 ah inlan tawhin goal 2 a khung mai bakah assist vawi 5 a nei mek. Santiago Bernabeu-ah hian trophy 6 lai a chawi hman a, 2021-22 La Liga leh UEFA Champions League pawh a tel a ni.