Real Madrid in kum 2021 a players an lak luh tur 5?

Mizo Football

Kumin summer transfer window-ah khan Spanish club lian Real Madrid chuan players lak luh an nei vak lova, a chhan ber pakhat pawh tunlai hripui leng Covid 19 vang in sum lamah harsatna an tawk ve deuh niin reports in an tarlang.

Kumin transfer window-ah players la lut vak lo mahse, nakum transfer window-ah chuan an lak luh nual a rinawm hle.

Tunah an players neih thenkhat Karim Benzema, Eden Hazard leh midang te pawh nise, an kum a upa tawh a, kum 30 bawr vel an ni deuh fur tawh, hei vang hian Real Madrid chuan players naupang deuh hunrei tak an kawl theih tur an duh niin an tarlang.

Engpawhnise, a hnuaiah hian Real Madrid in kum 2021 a an lak tum players 5 te kan rawn tarlan ve leh e.

5 Benoit Badiashile

Benoit Badiashile

Benoit Badiashile hi tun summer-ah pawh khan Real Madrid nena sawi zawm an ni. Mahse, an la lut thei bik lo. Badiashile hi kum 19 a upa chauh a la ni a, centre back a khel niin, tunah hian Ligue 1 club AS Monaco tan a khel mek.

Real Madrid in an defender thuamthar an tum a nih chuan Benoit Badiahile hi duhthlan tur tha ber a ni ngei ang. AS Monaco lam pawhin Badiashile man atan hian €30 million an hauh a ni.

4 Eduardo Camavinga

Eduardo Camavinga (left) in action for Stade Rennes

Rennes rawlthar hi a rawn che hit chho viau a, French senior team tan pawh a rawn che hit viau. Spanish club lian Real Madrid chuan an duh hle a, Paul Pogba an la thei dawn lo a nih chuan Camavinga hi lak luh an tum dawn niin reports in an tarlang.

Ole Gunnar Solskjaer tum dan chuan Paul Pogba hi a contract zawh hun kum 2022 thleng Manchester United lama awmtir rih a tum a, hetih lai hian Real Madrid boss Zidane chuan summer transfer lo awm leh turah Pogba hi lak luh ngei a duh ve a ni. Mahse, an la theilo a nih chuan, Camavinga hi lak luh an tum leh dawn niin an tarlang.

Rennes lam pawhin Camavinga man an ti to ang reng hle, a man atan €80 million an hauh a ni.

3 Jules Kounde

Jules Kounde

Real Madrid centre back hlun Sergio Ramos hi kum 34 laia upa a ni tawh a, Real Madrid chuan amah thlak theitu tur an zawng ve reng bawk.

Kum 2019 summer transfer lai khan Kounde hian Sevilla a zawm a, Sevilla tan pawh a che tha ang reng hle. Sevilla in UEFA Europa League trophy an chawi lai pawh khan Kounde hi a pawimawh ang reng hle. Tunah hian Kounde hi kum 21 a upa chauh a la ni.

2 Erling Haaland

Erling Haaland

Karim Benzema’an kum 2009 a Real Madrid a zawm hnuah, Real Madrid main striker ber a ni, tunah hian kum 32 laia upa a ni tawh. Rei vak lovah football a chawlhsan a nih loh pawhin Real madrid a chhuahsan ngei ang.

Karim Benzema thlak theitu tura rinkai ber a ni mek.

1 Kylian Mbappe

Kylian Mbappe

Hunrei tawh tak atang khan Real Madrid leh Kylian Mbappe te hi sawi zawm an lo ni tawh. Entikniah emaw chuan Real Madrid lamah a la khelh ngei a beiseiawm hle. Real Madrid in kum 2021 summer transfer laia an lak tum zingah rinkai ber a ni.

 

Source Sportskeeda

Please follow and like us: