Real Madrid chuan 2020 Euro khelh meka Belgium tana che tha em em mai Jeremy Doku chu lak luh an tum niin report in a tarlang. Kan hmuh angin Italy in Belgium 2-1 a an hneh tum khan Belgium winger Jeremy Doku chu a che tha hle a nih kha, player tha ngawt melh thin Real Madrid chuan lak luh ngei an tum dawn niin an tarlang.
Defensa Central in a tarlan dan chuan Belgium tana che tha em em Doku chu an duh hle niin a tarlang a, season khelh zawh takah pawh khan Ligue 1 club Rennes tan a che tha hle bawk.
Euro 2020 group game khelhah kha chuan Roberto Martinez khan Jeremy Doku hi substitute angin a hmang tam zawk a, mahse, quarter final Italy nena an inhmachhawn tumah kha chuan a start ngei ngei a ngai, a chhan chu Eden Hazard’an hliam a neih vangin.
Doku che vel kha a hmuhnawm hle a, khawvel defence tha tia an sawi thin Italy defence lam pawh an tal buai zeuh zeuh hman a ni. Season khelh zawh takah pawh khan Rennes tan a che tha hle. Mahse, club tan match 37 a khelh atangin goal 2 chiah a khung a assist vawi 4 a nei thung.
Real Madrid chuan tun summer transfer-ah hian Eden Hazard leh Gareth Bale chu chhuahtir an rilruk a. Anni pahnih hi Real Madrid lamin pawisa tam tham tak hmangin an la lut a ni.
Real Madrid boss Carlo Ancelotti chuan Hazard emaw Bale thlaktu tur atan Jeremy Doku hi lak luh a duh niin an sawi.
Real Madrid lam hian an la lut leh mai lovang maw?