Kan hriat angin tunkar tir lamah Zinedine Zidane chuan kum 3 chhungin vawi 2 na atan Real Madrid a chhuahsan leh a, Real Madrid history bikah manager tha top 10 te kan rawn tarlang ve leh dawn a ni.
Zidane’an Real Madrid a chhuahsan vawi 2 naah Real Madrid chu trophy a chawi pui lo a ni. Atletico Madrid leh FC Barcelona chuan La Liga leh Copa del Rey an chawi ve ve.
Real Madrid vawi hnih a enkawl chhung hian, La Liga nomawi vawi 2 a chawi a, UEFA Champions League nomawi vawi 3 lai mai a chawi pui bawk. UEFA Champions League phei hi chu season 3 chhung teh meuh mai a zawnin a chawi pui a ni.
Real Madrid history-ah Zidane hi eng rank ah nge a awm tak ang le.
10. Paco Bru
Player angin FC Barcelona hero a ni a, Paco Bru hi Spanish football-ah a hming a dai thei tawh lovang.
A hmasa berah chuan player a ni a, a hnuah journalist, referee a ni bawk. National team coach hmasa a nih mai bakah Real Madrid coach a ni bawk. Copa Espana (Copa del Rey) vawi 2 a chawi pui. Real Madrid a enkawl chhungin matches 127 an khelh atang vawi 76 lai hnehna a chan pui a ni.
9. Fabio Capello (La Liga nomawi vawi 2 a chawi)
8. Jose Mourinho ( La Liga, Copa del Rey, Supercopa de España a chawi pui)
7. Carlo Ancelotti (Copa del Rey, Champions League, UEFA Super Cup, Club World Cup)
6. José Villalonga La Liga (x2), Copa Latina (x2), European Cup (x2)
5. Luis Molowny La Liga (x3), Copa del Rey (x2), Copa de la Liga, UEFA Cup (x2)
4. Leo Beenhakker La Liga (x2), Supercopa de España, Copa Iberoamericana, Champions League (x2), UEFA Super Cup, Intercontinental Cup
2. Zinedine Zidane La Liga (x2), Supercopa de España (x2), Champions League (x3), UEFA Super Cup (x2), Club World Cup (x2)
1. Miguel Muñoz La Liga (x9), Copa del Rey (x2), European Cup (x2) Intercontinental Cup
Source Squawka
READ MORE: (Messi’an Barca-ah kum 10 chhung atan contract a sign hnai)
An sawi danah Lionel Messi chuan Barcelona-ah kum 10 chhung daih tur contract a sign hnai niin an sawi. Hemi chhunga Messi pawisa hlawh tur pawh a tam viau a rinawm.
Daily Mirror in an tarlan dan chuan kum 33 a upa Lionel Messi hi Catalan club lian FC Barcelona hian kum 10 chhung daih tur contract zawrh an tum hnai niin an tarlang.
Lionel Messi’an Spain lama contract a neih hi tun thla June ni 30 hian a zo ve dawn a, kum hmasa lamah kha chuan FC Barca chhuahsan a tum ve deuh niin thuthang a awm nih kha, a chhan chu an president hmasa zawk nen intihthiam lohna an neih vang nia sawi a awm bawk.
Barcelona hian Ballon d’Or vawi 6 dawngtu Lionel Messi hi an chan mai loh nan, kum 10 daih tur contract zawrh an tum niin an sawi a, a hlawh tur pawh season 4 lo awm tur atan €239 million lai a hlawh dawn a ni.
Kum 2023-ah Messi hian David Beckham, MLS club Inter Miami lam a zawm dawn nia sawi thawm a awm bawk. Messi hi season 4 chhung club tan a khel anga, a dang kum 6 hi chu club ambassador anga thawh tir an tum a ni.
Lionel Messi chuan a hmain MLS club lama khelh a duh thu alo sawi ve tawh a, mahse, Barcelona lamin kum 10 contract an zawrh chuan a chhuah loh hmel. Hunrei tawh tak atanga a thiantha Sergio Aguero a rawn lut bawk nen, Barca-ah hian hunrei tak a awm a rinawm.
Source SL