Tun transfer window-ah hian Cristiano Ronaldo chu Real Madrid lama kir leh tur anga sawi a ni a, Spanish club lian Real Madrid lama record a neih 10 te kan rawn tarlang ve leh dawn a ni.
Kan hriat angin Juventus ah kum 36 a upa Cristiano Ronaldo hmalam hun a chiang tawh lo hle a, Spain a report thenkhatin Real Madrid manager Carlo Ancelotti’an Real Madrid forward lam thuam that a tum niin an sawi.
AS in an tarlan dan chuan Ronaldo hi UEFA Champions League nomawi vawi 13 chawi tawh tu Real Madrid lamah kir leh tur angin an sawi, Real Madrid hian Kylian Mbappe an la lut theilo a nih chuan C Ronaldo lak let leh mai awh pawi an ti tawh lo niin an sawi bawk.
Frenchman Kylian Mbappe hi 2022 hnu lamah contract a pawtsei tawh dawn lo niin an sawi a, hetih hunah chuan Spanish club lian Real Madrid hian an lak luh theih ngei a rinawm tawh.
Spain lama Cristiano Ronaldo rochhiah?
Cristiano Ronaldo hian Manchester United atangin Real Madrid a zawm a, 2009 atang 2018 thleng hun a hmang, kum 9 lai mai hun a hmang tihna a nih chu. Vawiin ni thlengin Real Madrid-ah hian record a nei nual a, thenkhat phei chu a kir theih chuan la siam belh theih zel a ni bawk.
Real Madrid tan goal khung lamah a duai lo hle, UEFA Champions League lama a goal khung goal 105 phei chu khum theih rual a ni tawh lo maithei.
Juventus lamah pawh a duai lo
Juventus ama a insawn hnu pawhin goal khung lamah a tha hle a, Juventus tan match 133 a khelh tawh atangin goal 101 lai a khung thei a ni.
Engpawhnise, Real Madrid tana Cristiano Ronaldo record neih 10 te kan rawn tarlang ve leh ange?
Real Madrid tan goal khung hnem ber (Goal 450)
La Liga goal khung hnam ber (Goal 311)
International competions-a goal khung hnem ber (Goal 113)
UEFA Champions League goal khung hnem ber (Goal 105)
Season khata all competion goal khung hnem ber (Goal 61, 2014/15)
UEFA Champions League season khata goal khung hnem ber (Goal 17, 2013/14)
UEFA Champions League match khata goal khung hnem ber (Goal 4, 2015/2016)
All competition a hat-trick siam tam ber (vawi 44)
La Liga Hat trick siam tam ber (Vawi 34)
Season khata hat trick siam tam ber (Vawi 8, 2014/15)
Source SL