Raphael Varane a inhliam, Man Utd atang Harry Maguire a khel thei lo, United tan chanchin lawmawm lo tak a ni

Raphael Varane chu France tan a khelh laiin hliam a neih vangin lak chhuah a ni. Manchester United player thenkhat ten hliam an nei. An hmachhawn tur team lah an tha hlawm phian leh nghal a, hnehna an chang ve thei ang em tih chu mi tamtak ngaihtuah a ni mek.

UEFA Nations League Final-a Spain an hmachhawn tumin Varane pawh a start ve a, mahse, half erawh a khel zo hman lo.

Break an neih hmain a kaiza tha ah hliam a nei a, hliam a neih rualin France coach Didier Deschamps chuan a thlak nghal a ni.

Varane’an hliam a neih hi Man United boss Ole Gunnar Solskjaer tan chuan thil duhawm lo tak a ni ngei ang, tunah hian pressure sang tak hnuaiah hun a h mang mek a, Man Utd fixture lah a chhah ropui si.

MANCHESTER, ENGLAND – OCTOBER 04: Ole Gunnar Solskjaer, Manager of Manchester United looks on during the Premier League match between Manchester United and Tottenham Hotspur at Old Trafford on October 04, 2020 in Manchester, England. Sporting stadiums around the UK remain under strict restrictions due to the Coronavirus Pandemic as Government social distancing laws prohibit fans inside venues resulting in games being played behind closed doors. (Photo by Alex Livesey/Getty Images)

Solskjaer hi tunah hian an captain Harry Maguire loin hun a hmang mek a, Everton an hmachhawn tum pawh khan a khel lo a ni.

Red Devils hian Premiere League-ah October ni 16 khian Leicester City an hmachhawn dawn a, hemi hnu hian Tottenham, Liverpool leh Manchester City te an hmachhawn leh ang. A huphurhawm dawn hle niin a lang.

Champions League lamah pawh Atalanta leh Villarreal hmachhawn tur an nei bawk a, thla leh khian Chelsea leh Arsenal an hmachhawn bawk ang, fixture chhah tak zawng ava ni em.

Everton an hmachhawn tum khan Victor Lindelof chu Starting XI chan tir a ni, Leicester City an hmachhawn hun hian a start leh ngei a rinawm a, Eric Bailly pawhin Varane hi a thlak a rinawm bawk.

Source SL