Real Madrid tana khelh tawh zawng zawng tha ber pakhat chu Sergio Ramos hi a ni, kum 2005 khan Sevilla atang Spanish club lian Real Madrid in an la lut a ni.
Galacticos hunlai laia Spanish player a lak luh hmasak ber a ni a, kha tih laia player lak luh fuh ber pakhat a ni. Sergio Ramos chuan kum 2005, September ni 10 khan La Liga match 2 naah a game hmasa ber a khel a ni. Celta Vigo nen an inhmachhawn.
Minutes 46th naah Central Defender Francisco Pavon chu Sergio Ramos chuan a thlak, kha tih lai khan Real Madrid chu Celta Vigo lakah 3-2 in an tlawm a ni. Los Blancos-a khan Ronaldo (brazil) leh Julio Baptista te pawh an la khel rih.
Kum 2005 atang khan Sergio Ramos chu Real Madrid tan match 671 lai maiah a inlan tling a, Trophy awm thei zawng zawng a chawi kim hle, tah hian La Liga vawi 5, Champions League vawi 4 a chawi pui bawk.
Kumin summer transfer window-ah Real Madrid chhuahsanin, Paris Saint-Germain in an la lut a ni.
Engpawhnise, tun tumah hian Sergio Ramos’an Real Madrid tan game hmasa ber a khelh tuma a teammates te kan rawn tarlang ve leh dawn a ni.
Iker Casillas – GK
Real Madrid tan khelh tam lamah pahnihna dinhmun a hauh mek, Iker Casllas hi Real Madrid tan match 725 lai a inlan. Kum 2016 khan Spanish club lian Real Madrid chhuahsanin FC Porto a pan a ni. Real Madrid history-a player hlawhtling ber pakhat a ni.
August 2020 khan proffesional football a chawlhsan. Tunah hian Real Madrid foundation-ah deputy director a ni mek.
Michel Salgado – RB
Ivan Helguera – CB
Francisco Pavon – CB
Roberto Carlos – LB
Thomas Gravesen – CM
Guti – CM
David Beckham – RM
Julio Baptista – AM
Robinho – LM
Ronaldo – ST
Pablo Garcia – Sub
Raul Gonzalez – Sub
Sergio Ramos – Sub
Source goal