Real Madrid captain Sergio Ramos’an club a chhuahsan hnuah, Real Madrid chuan 2021/22 chhung team captain thar tur an puang.
Hriat angin Sergio Ramos hi kum 16 chhung teh meuh mai Spanish capital-ah hun a hmang a, tun nipui transfer window-ah free agent in Paris Saint-Germain a zawm a ni.
Ramos’an Real Madrid a chhuahsan hnuah Brazillian full back Marcelo chu season thar atan club captain atan thlan a ni.
“Khawvel club ropui ber tana captain nih chu chawimawina ropui tak a ni, ka vannei tak zet.” tiin Marcelo chuan club official website a hrilh.
“Real Madrid player i nih chuan nitin mai leh season tin mai hian duhthaw. Hetah hian hunrei tak ka awm tawh a, chakna in ka la khat tho. Season thar start hun tur ka nghakhlel tawh khawp mai.” tiin a sawi bawk.
Kum 2007 khan Marcelo chuan Fluminese atangin Los Blancos hi a zawm a, club tan match 528 lai inlan tawhin trophies pawh a chawipui hnem tawh hle.
Real Madrid captain lo ni tawh thenkhatte:
Real Madrid captain thar (Marcelo)
Sergio Ramos (2015 to 2021)
Raul (2003 to 2010)
Fernando Hierro (2001 to 2003)
Manolo Sanchis (1988 to 2001)
Source Sl