Real Madrid star Toni Kroos chuan Sergio Ramos chu Real Madrid lamah a la cham chhunzawm a beisei. Kan hriat angin Ramos contract neih chuan tawp lam a hnaih zel.
Sergio Ramos hian tun summer transfer-ah hian a free in Real madrid a chhuahsan thei dawn a, tun thla tawp rual hian a contract a zo ve dawn a ni.
Spain international Ramos hi Paris Saint-Germain, Manchester City leh Chelsea te nena sawi zawm a ni a, hetihlai hian a club hlui Sevilla pawh amah duhtu zingah an tel ve leh bawk.
Mahse, report thenkhatin an tarlan dan chuan Madrid lam hian Ramos chu contract thar an zawrh leh dawn niin an tarlang. Toni Kroos pawhin la cham chhunzawm se tih chu a duh.
“Club hian engtin nge thil an kal pui tih erawh ka hre lo. Ramos hi thawhpui tha ber pakhat an i, amah nena khelh dun chu nuam ka ti hle, chuan kum dang pawh kan khelh dun leh ngei ka beisei.”
“Mahse, a tawp berah chuan hei hi ka duhthlan theihna a ni lova. Pa ropui tak a ni tih hi ka sawi theih chu a ni, ka career-a captain ka neih tawh zingah chuan captain tha ber a la ni.” tiin Toni Kroos chuan a sawi.
Engtianga rei nge Real Madrid-ah hian hun a hman tawh
Kum 35 a upa Sergio Ramos hian kum 2005 khan Sevilla atangin Madrid hi a zawm a, La Liga nomawi 5 leh UEFA Champions League nomawi 4 a chawi pui tawh.
Real Madrid tan all competion match 670 ah a inlan tawh a, mahse, 2020-21 season liamtaah kha chuan match 21 chauh a khel thei a ni.
2020 Euro tournament khelh tur zingah a tel lova, Spain tan hian a inlan leh thuai a rinawm.
Source goal